Δ Χαιρετισμοί

Δ Χαιρετισμοί …

Ακάθιστος Ύμνος – Δ. Στάσις ...

Τεῖχος εἶ τῶν παρθένων , Θεοτόκε Παρθένε

καὶ πάντων τῶν εἰς σὲ προστρεχόντων …

Ὁ γὰρ τοῦ οὐρανοῦ καὶ τῆς γῆς ,

κατεσκεύασέ σε ποιητής , Ἄχραντε ,

οἰκήσας ἐν τῇ μήτρα σου

καὶ πάντας σοι προσφωνεῖν διδάξας ,

Χαίρε , ἡ στήλη τῆς παρθενίας ,

Χαίρε , ἡ πύλη τῆς σωτήριας ,

Χαίρε , ἀρχηγὲ νοητῆς ἀναπλάσεως ,

Χαίρε , χορηγὲ θεϊκῆς ἀγαθότητος ...

Χαίρε , σὺ γὰρ ἀνεγέννησας τοὺς συλληφθέντας αἰσχρῶς ,

Χαίρε , σὺ γὰρ ἐνουθέτησας τοὺς συληθέντας τὸν νοῦν ,

Χαίρε , ἡ τὸν φθορέα τῶν φρενῶν καταργοῦσα ,

Χαίρε , ἡ τὸν σπορέα τῆς ἁγνείας τεκοῦσα ,

Χαίρε , παστάς ἀσπόρου νυμφεύσεως ,

Χαίρε , πιστοὺς Κυρίῳ ἁρμόζουσα ,

Χαίρε , καλὴ κουροτρόφε παρθένων ,

Χαίρε , ψυχῶν νυμφοστόλε ἁγίων ,

Χαίρε , Νύμφη ανύμφευτε ...

Ὕμνος ἅπας ἡττᾶται ,

συνεκτείνεσθαι σπεύδων ,

τῷ πλήθει τῶν πολλῶν οἰκτιρμῶν σου ,

ἰσαρίθμους γὰρ τῇ ψάμμῳ ὠδάς ,

ἂν προσφέρωμέν σοι , Βασιλεῦ ἅγιε ,

οὐδὲν τελοῦμεν ἄξιον ,

ὧν δέδωκας ἡμῖν τοῖς σοὶ βοῶσιν ,

Αλληλούια ...

Φωτοδόχον λαμπάδα ,

τοῖς ἐν σκότει φανεῖσαν ,

ὁρῶμεν τὴν ἁγίαν Παρθένον ,

τὸ γὰρ ἄυλον ἅπτουσα φῶς ,

ὁδηγεῖ πρὸς γνῶσιν θεϊκὴν ἅπαντας ,

αὐγῇ τὸν νοῦν φωτίζουσα ,

κραυγῇ δὲ τιμωμένη ταῦτα ,

Χαίρε , ἀκτὶς νοητοῦ ἡλίου ,

Χαίρε , βολὶς τοῦ ἀδύτου φέγγους ...

Χαίρε , ἀστραπὴ τὰς ψυχὰς καταλάμπουσα ,

Χαίρε , ὡς βροντὴ τοὺς ἐχθροὺς καταπλήττουσα ,

Χαίρε , ὅτι τὸν πολύφωτον ἀνατέλλεις φωτισμόν ,

Χαίρε , ὅτι τὸν πολύρρυτον ἀναβλύζεις ποταμόν ,

Χαίρε , τῆς κολυμβήθρας ζωγραφοῦσα τὸν τύπον ,

Χαίρε , τῆς ἁμαρτίας ἀναιροῦσα τὸν ρύπον ,

Χαίρε , λουτὴρ ἔκπλυνων συνείδησιν ,

Χαίρε , κρατὴρ κιρνῶν ἀγαλλίασιν ,

Χαίρε , ὀσμὴ τῆς Χριστοῦ εὐωδίας ,

Χαίρε , ζωὴ μυστικῆς εὐωχίας ,

Χαίρε , Νύμφη ανύμφευτε ...

Χάριν δοῦναι θελήσας ,

ὀφλημάτων ἀρχαίων ,

ὁ πάντων χρεωλύτης ἀνθρώπων ,

ἐπεδήμησε δι’ἑαυτοῦ ,

πρὸς τοὺς ἀποδήμους τῆς αὐτοῦ Χάριτος

καὶ σχίσας τὸ χειρόγραφον ,

ἀκούει παρὰ πάντων οὕτως ,

Αλληλούια ...

Ψάλλοντές σου τὸν τόκον ,

ἀνυμνοῦμέν σε πάντες ,

ὡς ἔμψυχον ναόν , Θεοτόκε ,

Ἐν τῇ σῇ γὰρ οὶκήσας γαστρί ,

ὁ συνέχων πάντα τῇ χειρὶ Κύριος ,

ἡγίασεν , ἐδόξασεν , ἐδίδαξε βοᾶν σοὶ πάντας ,

Χαίρε , σκηνὴ τοῦ Θεοῦ καὶ Λόγου ,

Χαίρε , Ἁγία ἁγίων μείζων ,

Χαίρε , κιβωτὲ χρυσωθεῖσα τῷ Πνεύματι ,

Χαίρε , θησαυρὲ τῆς ζωῆς ἀδαπάνητε ...

Χαίρε , τίμιο διάδημα βασιλέων ευσεβών ,

Χαίρε , καύχημα σεβάσμιων ιερέων ευλαβών ...

Χαίρε , τῆς Ἐκκλησίας ὁ ἀσάλευτος πύργος ,

Χαίρε , τῆς Βασιλείας τὸ ἀπόρθητον τεῖχος ...

Χαίρε , δι' ἧς ἐγείρονται τρόπαια ,

Χαίρε , δι' ἧς ἐχθροὶ καταπίπτουσι ...

Χαίρε , χρωτὸς τοῦ ἐμοῦ θεραπεία ,

Χαίρε , ψυχῆς τῆς ἐμῆς σωτηρία ,

Χαίρε , Νύμφη ανύμφευτε ...

Ὦ πανύμνητε Μῆτερ ,

ἡ τεκοῦσα τὸν πάντων ἁγίων ,

ἁγιώτατον Λόγον ,

δεξαμένη γὰρ τὴν νῦν προσφοράν ,

ἀπὸ πάσης ρῦσαι συμφορᾶς ἅπαντας

καὶ τῆς μελλούσης λύτρωσαι κολάσεως ,

τοὺς σοὶ βοῶντας ,

Αλληλούια …….