6 Μαρτίου …
Β Χαιρετισμοί …
Ακάθιστος Ύμνος – Β Στάσις …
Ἤκουσαν oἱ ποιμένες ,
τῶν Ἀγγέλων ὑμνούντων ,
τὴν ἔνσαρκον Χριστοῦ παρουσίαν
καὶ δραμόντες ὡς πρὸς ποιμένα ,
θεωροῦσι τοῦτον ὡς ἀμνὸν ἄμωμον ,
ἐν γαστρὶ τῆς Μαρίας βοσκηθέντα ,
ἥν ὑμνοῦντες εἶπον ,
Χαῖρε , Ἀμνοῦ καὶ Ποιμένος Μῆτερ ,
Xαῖρε , αὐλὴ λογικῶν προβάτων …
Χαῖρε , ἀοράτων ἐχθρῶν ἀμυντήριον ,
Xαῖρε , Παραδείσου θυρῶν ἀνοικτήριον …
Χαῖρε , ὅτι τὰ οὐράνια συναγάλλεται τῇ γῇ ,
Xαῖρε , ὅτι τὰ ἐπίγεια συγχορεύει οὐρανοῖς …
Χαῖρε , τῶν Ἀποστόλων τὸ ἀσίγητον στόμα ,
Xαῖρε , τῶν Ἀθλοφόρων τὸ ἀνίκητον θάρσος …
Χαῖρε , στερρὸν τῆς πίστεως ἔρεισμα ,
Xαῖρε , λαμπρὸν τῆς Χάριτος γνώρισμα …
Χαῖρε , δι’ ἧς ἐγυμνώθη ὁ Ἅδης ,
Xαῖρε , δι’ ἧς ἐνεδύθημεν δόξαν ,
Χαῖρε , Νύμφη ἀνύμφευτε …
Θεοδρόμον ἀστέρα ,
θεωρήσαντες Μάγοι ,
τῇ τούτου ἠκολούθησαν αἴγλῃ
καὶ ὡς λύχνον κρατοῦντες αὐτόν ,
δι’ αὐτοῦ ἠρεύνων κραταιὸν Ἄνακτα
καὶ φθάσαντες τὸν ἄφθαστον ,
ἐχάρησαν αὐτῷ βοῶντες ,
Ἀλληλούια …
Ἴδον παῖδες Χαλδαίων ,
ἐν χερσὶ τῆς Παρθένου ,
τὸν πλάσαντα χειρὶ τοὺς ἀνθρώπους
καὶ Δεσπότην νοοῦντες αὐτόν ,
εἰ καὶ δούλου μορφὴν ἔλαβεν ,
ἔσπευσαν τοῖς δώροις θεραπεῦσαι
καὶ βοῆσαι τῇ Εὐλογημένῃ …
Χαῖρε , ἀστέρος ἀδύτου Μήτηρ ,
Xαῖρε , αὐγὴ μυστικῆς ἡμέρας …
Χαῖρε , τῆς ἀπάτης τὴν κάμινον σβέσασα ,
Xαῖρε , τῆς Τριάδος τοὺς μύστας φωτίζουσα …
Χαῖρε , τύραννον ἀπάνθρωπον ἐκβαλοῦσα τῆς ἀρχῆς ,
Xαῖρε , Κύριον φιλάνθρωπον ἐπιδείξασα Χριστόν …
Χαῖρε , ἡ τῆς βαρβάρου λυτρουμένη θρησκείας ,
Xαῖρε , ἢ τοῦ βορβόρου ρυομένη τῶν ἔργων …
Χαῖρε , πυρὸς προσκύνησιν παύσασα ,
Xαῖρε , φλογὸς παθῶν ἀπαλλάττουσα …
Χαῖρε , πιστῶν ὁδηγὲ σωφροσύνης ,
Xαῖρε , πασῶν γενεῶν εὐφροσύνη ,
Χαῖρε , Νύμφη ἀνύμφευτε …
Κήρυκες θεοφόροι ,
γεγονότες οἱ Μάγοι ,
ὑπέστρεψαν εἰς τὴν Βαβυλῶνα ,
ἐκτελέσαντές σου τὸν χρησμόν ,
καὶ κηρύξαντές σε τὸν Χριστὸν ἅπασιν ,
ἀφέντες τὸν Ἡρώδην ὡς ληρώδη ,
μὴ εἰδότα ψάλλειν …
Ἀλληλούια …….
