Γ΄ Χαιρετισμοί …
Γ΄ Στάσις ,
Νέαν ἔδειξε κτίσιν , ἐμφανίσας ὁ Κτίστης ,
ἡμῖν τοῖς ὑπ’ αὐτοῦ γενομένοις ,
ἐξ ἀσπόρου βλαστήσας γαστρός
καὶ φυλάξας ταύτην , ὥσπερ ἦν ἄφθορον ,
ἵνα τὸ θαῦμα βλέποντες , ὑμνήσωμεν αὐτὴν βοῶντες ,
Χαίρε , τὸ ἄνθος τῆς ἀφθαρσίας ,
Χαίρε , τὸ στέφος τῆς ἐγκρατείας …
Χαίρε , ἀναστάσεως τύπον ἐκλάμπουσα ,
Χαίρε , τῶν Ἀγγέλων τὸν βίον ἐμφαίνουσα ,
Χαίρε , δένδρον ἀγλαόκαρπον , ἐξ οὗ τρέφονται πιστοί ,
Χαίρε , ξύλον εὐσκιόφυλλον , ὑφ’ οὗ σκέπονται πολλοί …
Χαίρε , κυοφοροῦσα ὁδηγὸν πλανωμένοις ,
Χαίρε , ἀπογεννῶσα λυτρωτὴν αἰχμαλώτοις ,
Χαίρε , Κριτοῦ δικαίου δυσώπησις ,
Χαίρε , πολλῶν πταιόντων συγχώρησις ,
Χαίρε , στολὴ τῶν γυμνῶν παρρησίας ,
Χαίρε , στοργὴ πάντα πόθον νικῶσα ,
Χαίρε , Νύμφη ανύμφευτε …….
Ξένον τόκον ἰδόντες ,
ξενωθῶμεν τοῦ κόσμου, τὸν νοῦν εἰς οὐρανὸν μεταθέντες ,
διὰ τοῦτο γὰρ ὁ ὑψηλὸς Θεός ,
ἐπὶ γῆς ἐφάνη ταπεινὸς ἄνθρωπος ,
βουλόμενος ἑλκύσαι πρὸς τὸ ὕψος , τοὺς αὐτῷ βοώντας ,
Αλληλούια …
Ὅλως ἦν ἐν τοῖς κάτω ,
καὶ τῶν ἄνω οὐδόλως ἀπῆν ,
ὁ ἀπερίγραπτος Λόγος ,
συγκατάβασις γὰρ θεϊκή ,
οὐ μετάβασις τοπικὴ γέγονε
καὶ τόκος ἐκ Παρθένου θεολήπτου , ἀκουούσης ταῦτα ,
Χαίρε , Θεού ἀχωρήτου χώρα ,
Χαίρε , σεπτού μυστηρίου θύρα …
Χαίρε , τῶν ἀπίστων ἀμφίβολον ἄκουσμα ,
Χαίρε , τῶν πιστῶν ἀναμφίβολον καύχημα ,
Χαίρε , ὄχημα πανάγιον τοῦ ἐπὶ τῶν Χερουβείμ ,
Χαίρε , οἴκημα πανάριστον τοῦ ἐπὶ τῶν Σεραφείμ ,
Χαίρε , ἡ τἀναντία εἰς ταὐτὸ ἀγαγοῦσα ,
Χαίρε , ἡ παρθενίαν καὶ λοχείαν ζευγνῦσα …
Χαίρε , δι’ ἧς ἐλύθη παράβασις ,
Χαίρε , δι’ ἧς ἠνοίχθη παράδεισος ,
Χαίρε , ἡ κλεὶς τῆς Χριστοῦ βασιλείας ,
Χαίρε , ἐλπὶς ἀγαθῶν αἰωνίων ,
Χαίρε , Νύμφη ανύμφευτε …
Πᾶσα φύσις Ἀγγέλων ,
κατεπλάγη τὸ μέγα ,
τῆς σῆς ἐνανθρωπήσεως ἔργον ,
τὸν ἀπρόσιτον γὰρ ὡς Θεόν ,
ἐθεώρει πᾶσι προσιτὸν ἄνθρωπον ,
ἡμῖν μὲν συνδιάγοντα , ἀκούοντα δὲ παρὰ πάντων οὕτως ,
Αλληλούια …
Ρήτορας πολυφθόγγους , ὡς ἰχθύας ἀφώνους ,
ὁρῶμεν ἐπὶ σοὶ Θεοτόκε , ἀποροῦσι γὰρ λέγειν ,
τὸ πῶς καὶ Παρθένος μένεις καὶ τεκεῖν ἴσχυσας ,
ἡμεῖς δὲ τὸ μυστήριο ν θαυμάζοντες , πιστῶς βοῶμεν ,
Χαίρε , σοφίας Θεοῦ δοχεῖον ,
Χαίρε , προνοίας αὐτοῦ ταμεῖον …
Χαίρε , φιλοσόφους ἀσόφους δεικνύουσα ,
Χαίρε , τεχνολόγους ἀλόγους ἐλέγχουσα ,
Χαίρε , ὅτὶ ἐμωράνθησαν οἱ δεινοὶ συζητηταί ,
Χαίρε , ὅτι ἐμαράνθησαν οἱ τῶν μύθων ποιηταί ,
Χαίρε , τῶν Ἀθηναίων τὰς πλοκὰς διασπῶσα ,
Χαίρε , τῶν ἁλιέων τὰς σαγήνας πληροῦσα …
Χαίρε , βυθοῦ ἀγνοίας ἐξέλκουσα ,
Χαίρε , πολλοὺς ἐν γνώσει φωτίζουσα ,
Χαίρε , ὁλκὰς τῶν θελόντων σωθῆναι ,
Χαίρε , λιμὴν τῶν τοῦ βίου πλωτήρων ,
Χαίρε , Νύμφη ανύμφευτε …
Σῶσαι θέλων τὸν κόσμον , ὁ τῶν ὅλων κοσμήτωρ ,
πρὸς τοῦτον αὐτεπάγγελτος ἦλθε
καὶ ποιμὴν ὑπάρχων ὡς Θεός ,
δι’ ἡμᾶς ἐφάνη καθ’ ἡμᾶς ἄνθρωπος ,
ὁμοίῳ γὰρ τὸ ὅμοιον καλέσας , ὡς Θεὸς ἀκούει ,
Αλληλούια …….
